Ager'chey mein aik chitaan sa aadmi raha hoon
Mager terey baad hosla hai k jee raha hoon
Wo reza reza merey badan mei uter raha hai
Mein qatra qatra usi ki aankhon ko pee raha hoon
Teri hatheli per kis ney likha hai qatel mera
Mujhey to lagta hai mein tera dost bhi raha hoon
Khuli hai aankhein mager badan hai tamam pather
Koi bataey mein mer chuka hoon k jee raha hoon
Kahan miley gi misal meri sitam-geeri ki?
K mei ghulabon k zakham kaanton sey c raha hoon
Na poocho mujh sey k shaher walon ka haal kia tha
K mein to khud apney gher mein bhi do gheri raha hoon
Mila to beetey dino ka sach us ki aankh mein tha
Wo aashna jis sey mudaton ajnabi raha hoon
Bhula dey mujh ko k bey-wafai baja hai lakin
Ganwa na mujh ko k mein teri zindagi raha hoon
Wo ajnabi ban k ab miley bhi to kia hai Mohsin
Ye naaz kam hai k mein bhi us ka kabhi raha hoon