Ham sunain to kahani or hay
Yar logon ki zubani or hay
Chara gar rotay hain taza zakhmon ko
Dil ki bemari purani or hay
Jo kaha ham nay who mazmoon or tha
Tarjuman ki tarjumani or hay
Hay basat e dil lahoo ki ik bond
Chashm e pur khon ki rawani or hay
Naamah bar ko kuch bhi ham paygham dain
Dastan us nay sunani or hay
Aab e zam zam dost laaye hain abas
Ham jo peetay hain who pani or hay
Sab kayamat kamaton ko daikh lo
Kya maray jana ka sani or hay
Shairi karti hay ik duniya faraz
Par teri saada bayani or hay