tu meri justaju k jangal mai
mehav-e- taqreeb-e-abala paie
oorh ker khal-o-khad pe tanhaie
apni ankhon mai dupeher gholay
ungliyon per lapait ker lamhay
dhalti chaaon mai, kakulain kholy
surkh anchal mai bandh ker khushbu
band hathon mai sham ki mehendi
garm sanson mai hamptay ghunghru
narm honton pe rutt ki ranaae
hamrah-e-moj-e-shanasaae
ghar se be-aasra nikal aae
tu ne shakhon se cheen ker juganu
patay patay pe khwaheshean karhean
cheel ker chaal sabaz peiron ki
apnay ashkon ki roshnaai se
chob-e-shafaaf pe basad hasrat
mudaton mera naam likha hai
hijar k be kinaar sehra mai
tere honton ki piyaas ne akser
meri khater saraab dekhay hain


(Mohsin naqvi)

GREAT................

chaand barfeele paharhon say parey doob gya
chaandni phir bhi na us jism ke mar-mar say gyi