Kon kehta hai shararat se tumhen dekhte hain
Jaan-e-man hum to mohabbat se tumhen dekhte hain
Tum ko maloom nahi tum ho muqaddas kitne
Dekhte hain to aqeedat se tumhen dekhte hain
Dekh ke tum ko kisi or ki yaad aati hai
Hum kisi or hi nisbat se tumhen dekhte hain
Sath ghairon ke nazar aao to jee karta hai
Kia kahen kesi aziyat se tumhen dekhte hain
Jhonkni parti hai yeh jaan azaabon main hamen
Kon kehta hai sahoolat se tumhen dekhte hain
Jaane kia likhte ho kia sochte rehte ho WASI
Raat ko jab bhi kabhi chat se tumhen dekhte hain