Aik Ladki - BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

**irfishahpk** · #1 25-03-2009, 10:24 AM

Gulaab Chehray pe Muskurahat
Chamakti AAnkhon Mein Shokh Jazbay

Woh Jab Bhi College Ki Seedhion Se
Sahailion Ko Liye Utarti

To Aisa Lagta Tha Jaise Dil Mein Utar Rahi Ho
Kuch Is tayaqqun Se Baat Kerti

K Jaise Dunia Usee ki Aankhon Se Daikhti Ho
Woh Apni Rah mein dil bichhati

Hui Nigahon Se Hans K Kehti
Tumharay Jaise Bohot Se Ladkon Se

Main Yeh Baatein Bohot se berson se Sunn Rahi Hoon
Sahilon Ki Hava Hoon Main

Neelay Smandron K Liye Bani Hoon
Woh Sahilon Ki Hava Si Ladki

Jo rah chalti to aise lagta k jaise dil mein utar rahi ho
Woh Kal mili to usi terha thi

Chamakti Aankhon mein shokh jazbay
Gulaab Chehray pe muskurahat

K Jaise Chandi Pighal Rahi Ho
Magar Jo Boli to us k lehjay mein woh thakan thi
K Jaise Sadion Se Dasht-e-Zulmat mein Chal Rahi Ho

**faheemsial** · #2 25-03-2009, 08:02 PM

Aik ladki ............... sirf aik larki.............. tumko kitna pagal bna sakti hy............... sirf aik larki.............. LAHULAWALA parho or bhaga do is aik larki ko.......