دلی کا عام لڑکا آنگ لی کا ہیرو - BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

**Nadeem Iqbal** · #1 29-10-2010, 10:19 AM

آسکر اعزاز یافتہ ہدایت کار آنگ لی نے اپنی نئی فلم ’لائف آف پائی‘ کے لیے دلی کے ایک عام لڑکے کو سائن کیا ہے جسے اداکاری کا کوئی تجربہ نہیں ہے۔

سورج شرما کا تعلق دلی سے ہے۔ سترہ سالہ سورج کا نام تین ہزار اداکاروں کے آڈیشن کے بعد طے کیا گیا۔

يہ فلم مشہور ناول ’لائف آف پائی‘ پر مبنی ہے۔ لائف آف پائی کو 2002 کے بُکر اعزاز سے نوازہ گیا ہے۔ اور اس کتاب کی اب تک سات ملین سے زیادہ کاپیاں فروخت ہوچکی ہیں۔

آنگ لی کی فلم ایک تھری ڈی فلم ہے۔ کتاب کی کہانی ایک بھارتی لڑکے کی کہانی ہے جو 227 دن تک بحرالکاہل میں ایک ٹائیگر کے ساتھ ایک کشتی میں کھڑا رہتا ہے۔

آنگ لی کا کہنا ہے کہ لائف آف پائی پر فلم بنانا ایک مشکل اور پرجوش تجربہ ہے۔

ان کا کہنا تھا کہ مرکزی کردار ادا کرنے کے لیے جس نوجوان لڑکے کی ہمیں تلاش تھی اس ڈھونڈنا ایک بڑا چیلنج تھا۔

’ہم نے اس لڑکے کی تلاش میں پورے بھارت کا دورہ کیا۔ ہم ایک ایسے لڑکے کو ڈھونڈ رہے تھے جس کی آنکھوں میں معصومیت ہو۔‘

آنگ لی نے ایک ہندوستانی اخبار کو بتایا ہے کہ سورج شرما کی آنکھوں میں وہ معصومیت تھی جس کی انہیں تلاش تھی۔

’لائف آف پائی‘ لکھنے والے یان مارٹل کا کہنا ہے کہ انہیں اس بات کی بے انتہا خوشی ہے کہ ان کی کتاب پر ایک فلم بن رہی ہے۔

اس فلم کی شوٹنگ بھارت اور تائیوان میں جنوری میں شروع ہوگئی اور فلم 14 دسمبر 2012 میں ریلیز کی جائے گی۔