kabhi dastaras main jo waqt ho tu tamam batain kaha karo - BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

**usman_latif_ch** · #1 07-07-2009, 05:05 PM

kabhi dastaras main jo waqt ho tu tamam batain kaha karo
koi atay jatay na dekh lay,humy sab say chup k mila karo,

koi tum bhi taza sitam karo,yehi dard apna naseeb hy
nahi kuch gila,mujhe zakhm do,kaha kis nay tum say wafa karo,

meri jan suno!zara gour say tumhy keh rahi hy yeh chandni
chalay jab hawa sar-e-sham hi, tu udass yun na hoa karo,

yeh tumhare honton pay khamoshi ka sukot bhi bhala nahi
k tumhara lehja hy khushbo'on sa,ghulab ban k khila karo,

mere rabt say bhi ho muharaif,mere nam say hy guraiz kiun
chiray zikr jab bhi chah ka,zara hunsalay say suna karo,

tera husn bhi tu kamal hy,teri shaksiyat main hy sadagi,
yahan har nazar bari teez hy,meri jaan sambhal k hasa karo,

yeh kaha tha main nay tu barha,tumhy yaad hy kisi morh par
k tumhi tu ho meri zindagi mujhe khud say yun na juda karo,

mere pass jitna nasab hy inhi chahaton ka hisaab hy
yeh tumhare ghum ki kitab hy,isy deehan say tu parha karo

raho khus tabasum tum sada,mujhe chod do mere haal par
mujhe ab talash-e-wafa nahi,mere wasty na dua karo......!!