دوستي کا دعويٰ ہے ۔ دشمنوں سا لہجہ ہے
حد بھي پار کرتے ہو ۔ روز وار کرتے ہو
سازشوں کے عادي ہو ۔ کيسے اتحادي ہو؟

خون بھي بہاتے ہو ۔ پيار بھي جتاتے ہو
...کتنے گھر گرائے ہيں ۔ کتنے ظلم ڈھائے ہيں
نفرتوں کے عادي ہو ۔ کيسے اتحادي ہو؟

سيکڑوں جواں لاشے ۔ ملک بھر ميں ہيں بکھرے
دشمنوں سے جنگوں ميں ۔ کھوئي تھيں نہ يوں جانيں
وحشتوں کے عادي ہو ۔ کيسے اتحادي ہو؟

مانگتے مدد بھي ہو ۔ چاہتے رسد بھي ہو
دھونس بھي جماتے ہو ۔ حکم بھي چلاتے ہو
دھمکيوں کے عادي ہو ۔ کيسے اتحادي ہو؟

چين اپنا غارت ہے ۔ کيسي يہ شراکت ہے
دہر بھر ميں رسوا بھي ۔ طعنوں کا نشانہ بھي
تہمتوں کے عادي ہو ۔ کيسے اتحادي ہو؟