جان ایلیا کی شاعری - BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

**usman228** · #1 04-09-2009, 07:03 AM

جان ایلیا کی شاعری
_____________________________
عہد رفاقت ٹھیک ہے لیکن مجھ کو ایسا لگتا ہے
تم تو میرے ساتھ رہو گی میں تنہا رہ جائوں گا

---------- post edited ----------

یار بھی راہ کی دیوار سمجھتے ہیں مجھے
میں سمجھتا تھا میرے یار سمجھتے ہیں مجھے

میں تو یوں چُپ ہوں کہ اندر سے بہت خالی ہوں
دیکھنے والے پُر اسرار سمجھتے ہیں مجھے

میں تو بدلتے ہوئے حالات میں ڈھل جاتا ہوں
اور سب لوگ اداکار سمجھتے ہیں مجھے

وہ جو اُس پار ہیں اُن کے لیے اِس پار ہوں میں
وہ جو اِس پار ہیں اُس پارسمجھتے ہیں مجھے

نیک لوگوں میں مجھے نیک گنا جاتا ہے
اور گناہ گار گناہ گار سمجھتے ہیں مجھے

**usman228** · #2 04-09-2009, 12:53 PM

دل میں ہوتا تو کسی طور نکل ہی جاتا

اب تو وہ شخص بہت دُور تلک ہے مجھ میں

---------- post edited ----------

زخمِ امید بھر گیا کب کا
قیس تو اپنے گھر گیا کب کا

آپ اک اور نیند لے لیجئے
قافلہ کُوچ کر گیا کب کا

دکھ کا لمحہ ازل ابد لمحہ
وقت کے پار اتر گیا کب کا

اپنا منہ اب تو مت دکھاؤ مجھے
ناصحو، میں سُدھر گیا کب کا

نشہ ہونے کا بےطرح تھا کبھی
پر وہ ظالم اتر گیا کب کا

آپ اب پوچھنے کو آئے ہیں؟
دل میری جاں، مر گیا کب کا

---------- post edited ----------

گاہے گاہے بس اب یہی ہو کیا
تم سے مل کر بہت خوشی ہو کیا

مل رہی ہو بڑ ے تپاک کے ساتھ
مجھ کو یکسر بھلا چکی ہو کیا

یاد ہیں اب بھی اپنے خواب تمہیں
مجھ سے مل کر اداس بھی ہو کیا

بس مجھے یوں ہی اک خیال آیا
سوچتی ہو ، تو سوچتی ہو کیا

اب مری کوئی زندگی ہی نہیں
اب بھی تم میری زندگی ہو کیا

کیا کہا عشق جاودانی ہے
آخری بار مل رہی ہو کیا

---------- post edited ----------

-----------------------------------------------
شاید مجھے کسی سے محبت نہیں ھوئی

لیکن یقین سب کو دلاتا رہا ھوں میں

اک حسن بے مثال کی تمثیل کے لیے

پرچھائیوں پہ رنگ گراتا رھا ھوں میں

اپنا مثالیہ مجھے اب تک نہ مل سکا

ذروں کو آفتاب بناتا رھا ھوں میں

کیا مل گیا ضمیر ھنر بیچ کر مجھے

اتنا کہ صرف کام چلاتا رھا ھوں میں

کل دوپہر عجیب سی اک بےدلی رھی

بس تیلیاں جلا کے بجھاتا رھا ھوں میں

---------- post edited ----------

________________________
تمہارا ہجر منا لوں اگر اجازت ہو
میں دل کسی سے لگا لوں اگر اجازت ہو

تمہارے بعد بھلا کیا ہیں وعدہ و پیماں
بس اپنا وقت گنوا لوں اگر اجازت ہو

تمہارے ہجر کی شب ہائے کار میں جاناں
کوئی چراغ جلا لوں اگر اجازت ہو

جنوں وہی ہے، وہی میں، مگر ہے شہر نیا
یہاں بھی شور مچا لوں اگر اجازت ہو

کسے ہے خواہشِ مرہم گری مگر پھر بھی
میں اپنے زخم دکھا لوں اگر اجازت ہو

تمہاری یاد میں جینے کی آرزو ہے ابھی
کچھ اپنا حال سنبھالوں اگر اجازت ہو

---------- post edited ----------

--------------------------------
مر چکا ہے دل مگر زندہ ہوں میں
زہر جیسی کچھ دوائیں چاہییں
پوچھتی ہیں آپ، آپ اچھے تو ہیں
جی میں اچھا ہوں‌، دعائیں چاہییں