کلیاتِ شیفتہ

سب حوصلہ جو صرف ہوا جورِ یار کا
مجھ پر گلہ رہا ستمِ روزگار کا

تھا کیا ہجوم بہرِ زیارت ہزار کا
گل ہو گیا چراغ ہمارے مزار کا

جور و جفا بھی غیر پر اے یارِ دل شکن
کچھ بھی خیال ہے دلِ امیدوار کا

کھلنے لگے ہیں از سرِ نو غنچہائے زخم
یہ فیض ہے صبا کے دمِ مشک بار کا

گر چاہتے ہو جامہ نہ ہو چاک ناصحو
منگوا دو پیرہن مجھے اس گل عذار کا

ہر کوچہ میں کھلی ہے جو دکانِ مے فروش
کیا فصل ہے شراب کی، موسم بہار کا؟

گھبرا کے اور غیر کے پہلو سے لگ گئے
دیکھا اثر یہ نالہء بے اختیار کا

وہ آتے آتے غیر کے کہنے سے تھم گئے
اب کیا کروں علاج دلِ بے قرار کا

آزاد ہے عذابِ دو عالم سے شیفتہ
جو ہے اسیر سلسلہء تاب دار کا

---------- Post added at 12:14 PM ---------- Previous post was at 09:48 AM ----------

کلیاتِ شیفتہ

خواہاں ہوں بوئے باغِ تنزہ شمیم کا
یا رب ادھر بھی بھیج دے جھونکا نسیم کا

تیرے گدا کو سلطنتِ جم سے کیا، کہ ذوق
ہے کاسہء شکستہ میں جامِ دو نیم کا

نیرنگِ جلوہ، بارقہء ہوش سوز ہے
کیا امتیاز رنگ سے کیجے شمیم کا

تیری نسیم لطف سے گل کو شگفتگی
وابستہ تیرے حکم پہ چلنا نسیم کا

واجب کی حکمت آئے گی ممکن کی عقل میں؟
کتنا دماغ ہے خلل آگیں حکیم کا

دقت سے پہلے عجز سلامت کی راہ ہے
کیسا سپاس دار ہوں عقلِ سلیم کا

میری فنا ہے مشعلہء محفلِ بقا
پروانہ ہوں میں پرتوِ شمعِ قدیم کا

گر تیرے شوق میں ہیں یہی بے قراریاں
لے لوں گا بوسہ پایہء عرشِ عظیم کا

طاعت اگر نہیں تو نہ ہو یاس کس لئے
وابستہء سبب ہے کرم کب کریم کا

جس وقت تیرے لطف کے دریا کو جوش آئے
فوارہء جناں ہو زبانہ جحیم کا

اے شیفتہ عذابِ جہنم سے کیا مجھے
میں اُمتی ہوں نار و جناں کے قسیم کا


---------- Post added 07-10-2010 at 09:31 AM ---------- Previous post was 06-10-2010 at 12:14 PM ----------

کلیاتِ شیفتہ

جب سے عطا ہوا ہمیں خلعت حیات کا
کچھ اور رنگ ڈھنگ ہوا کائنات کا

شیشہ اتار، شکوے کو بالائے طاق رکھ
کیا اعتبار زندگئ بے ثبات کا

لڑتے ہو جب رقیب سے کرتے ہو مجھ سے صلح
مشتاق یاں نہیں کوئی اس التفات کا

گر تیرے تشنہ کام کو دے خضر مرتے دم
پانی ہو خشک چشمہء آبِ حیات کا

یاں خار و خس کو بے ادبی سے نہ دیکھنا
ہاں عالمِ شہود ہے آئینہ ذات کا

کہتے ہیں جان، جانتے ہیں بے وفا مجھے
کیا اعتبار ہے انہیں دشمن کی بات کا

واعظ جنوں زدوں سے نہیں باز پرسِ حشر
بس آپ فکر کیجئے اپنی نجات کا

جوشِ سرشکِ خوں کے سبب سے دمِ رقم
نامہ نہیں رہا یہ ورق ہے برات کا

اے مرگ آ ، کہ میری بھی رہ جائے آبرو
رکھا ہے اس نے سوگ عدو کی وفات کا

ایسے کے آگے شیفتہ کیا چل سکے جہاں
احسان ایک عمر رہے، ایک رات کا

har poem ke liye new thread bana lete tu ......

__________________

jab ek hi shaaeyer k ashaar hain to alag banane ki kia zaroorat hai or wese bhi me chah raha tha k sheefta ki mukammal shaeyeri ko ek jaga jama kar doon....///

phir har us ka heading kiyon dia huya hay,, post reply kiyon kia huya hay

__________________

heading to is liye deta hoon ta k pata chale k nai nazam ya ghazal hai........///////

---------- Post added 08-10-2010 at 08:17 AM ---------- Previous post was 07-10-2010 at 11:13 AM ----------

کلیاتِ شیفتہ


کیا فائدہ نصیحتِ نا سود مند کا
کیا خوب پند گو بھی ہے محتاج پند کا

جب میں نہیں پسند تو پھر اور آ چکے
عاشق ہوں اس کی خاطرِ مشکل پسند کا

اے بادِ صبح تا بہ کجا اھتزازِ گل
گوشہ الٹ دے یار کے منہ سے پرند کا

اُس ماہ وش کو غیرِ سیہ رو سے کام کیا
ہے فیض اپنے اخترِ بختِ نژند کا

اس کوچے میں ہے عزتِ خسرو گدا سے کم
کیوں ناز مستمند سہے ارجمند کا

نالہ تو نارسا نہیں کیوں کر گلہ کروں
میں شکوہ سنج ہوں ترے کاخِ بلند کا

دیوان کو ہمارے، بتوں کی نگاہ میں
اے شیفتہ وہ رتبہ ہے جو بید و ژند کا

__________________
Regards,

Khawaja Mazhar IQbal Gunjial | UAE | +971 56789 1914 |

tu phir sab aik hei post main post ker dain, yeh kia bat hoi. chutay chotay tukray ker kay post ker rahay hain

__________________

ye to roz is ko update kerne k liye plz sister ye to koi baat na hoi......................///////sad014:

__________________
Regards,

Khawaja Mazhar IQbal Gunjial | UAE | +971 56789 1914 |

yeh bhi tu koi baat nahi hoi, ke apni ki baat ka reply khud hei kartay jao...

__________________

ok baba ab k har nazam k liye naya thread banaonga ab khush.............///

__________________
Regards,

Khawaja Mazhar IQbal Gunjial | UAE | +971 56789 1914 |

yes good boy...
agar poem ka koi title na ho na, tu ap poem ka 1st misrah ko as title use ker lia krain..

__________________