Tahir ul Qadri Adalat main

[.BZU.]

طاہر القادری سپریم کورٹ کورٹ هیرو بننے آیا تها لیکن چیف جسٹس نے اُلٹا اس کی گردن پکڑ لی ، اب طاہر القادری کمبل چهوڑ رها هے، کمبل اُسے نہیں چهوڑ رها هے


طاہر القادری ، چیف جسٹس کے سامنے دلائل دیتے هوئے ... قادری پہلے دہری شہریت کی وضاحت کریں،چیف جسٹس

طاہرالقادری کا موٴقف ہے کہ موجودہ الیکشن کمیشن آئین کے مطابق نہیں ... پاکستانی عدالت عظمی نے الیکشن کمیشن کی تشکیل نو سے متعلق طاہر القادری کی درخواست پر کیس کی سماعت آگے بڑھانے سے قبل ان سےدہری شہریت کے حوالے سے کل تک وضاحت طلب کرلی ہے۔ طاہر القادری دلائل دیتے ہوئے کہا ہے کہ عدالت میں یہ میری پہلی حاضری ہے، اجازت چاہتا ہوں کہ کیس سے پہلے اپنے تاثرات سے بھی آگاہ کروں،

طاہر القادری : عدلیہ کی بحالی میں حصہ لیا۔

چیف جسٹس : آپ اپنے کیس کی بات کریں، پہلے اس پر مطمئن کریں کہ پٹیشن دائر کرنے کیلئے آپ کا کیا قانونی جواز ہے، آپ کا حق دعویٰ کیا بنتا ہے ، عدالت کو مطمئن کریں،

طاہر القادری : میں نے درخواست بطور ووٹر دائر کی ہے۔

چیف جسٹس : کیا کینیڈا کا شہری پاکستان کی شہریت بھی رکھ سکتا ہے۔ کیا آپ کینیڈا کی شہریت کے لیے اٹھایا گیا وفاداری کا حلف پڑھ کر سننا سکتے ہیں،

طاہر القادری : میرے پاس حلف کی کاپی نہیں اور یہ سوال ہی نہیں بنتا۔ میں پاکستان اور کینیڈا کا شہری ہوں، امیگریشن کی اصل دستاویزات جمع کرا دوں گا۔

چیف جسٹس : اگر میں بطور چیف جسٹس کسی اور ملک کا حلف اٹھالوں تو ؟ ۔ آپ وفاداری کا حلف اٹھائے بغیر کینیڈا کے شہری نہیں بن سکتے اور جب تک آپ کینیڈا کے شہری ہیں پاکستانی قانون ساز ادارے کے رکن پارلیمنٹ نہیں بن سکتے۔

چیف جسٹس : آپ نے کس بنیاد پر کینیڈا کی شہریت حاصل کی ،کیا آپ کو کوئی جان کا خطرہ تھا۔

طاہر القادری : 2005 میں قومی اسمبلی سے استعفیٰ دے کر کینیڈین شہریت حاصل کی۔

چیف جسٹس : ایک چیز واضح ہے کہ آپ ایک عرصے سے کینیڈا کے شہری ہیں، آرٹیکل 63 کے تحت آپ کے پارلیمنٹ جانے پر بھی پابندی ہے۔ آپ نے ملکہ الزبتھ کی وفاداری کا حلف اٹھایا ہے، اس لیے آپ پاکستان کی قومی اسمبلی کے رکن نہیں بن سکتے ، اب جب آپ خود نااہل ہیں اس پارلیمنٹ کے لیے تو الیکشن کمشنر کے خلاف کیسے پٹیشن دائر کر سکتے ہیں ؟

سپریم کورٹ نے طاہرالقادری کو ہدایت کی کہ وہ کل تک اپنی دہری شہریت سے متعلق وضاحت کریں اور یہ بھی بتائیں کہ آپ کا حق دعوی کیا بنتا ہے۔ مسٹر قادری بہت شکریہ، اب کل سنیں گے اور اس کیس کی سماعت سب سے پہلے کریں گے