Raheel

Ek baaat ap batayen k quran me Allah ne farmaya k jadugar kabhi apnay maqsad me kamyab nahi ho sakta lekin yeh kahan farmaya hay k us k jadu me asar nahi hay ? koi aisi wazaih ayat ho to batayen.

Let suppose agar jadugar kisi per us k mar janay k liye jadu kerta hay lekin woh shuks sakht beemar ho ker theek ho jata hay to yeh howa na k woh jadugar apnay maqsad me kamiyab nahi howa lekin Allah k hukum se woh beemar howa yani us shuks per us jadu ka asar to howa na ?

App agar koi bat samjhana chahti hain or samajhti hain k ap huq per hain to app ko chahiye ke ayat ko quote kerne k sath sath us ki detail shan-e-nuzool or jo us ayat se related sahi ahadees hain wo paish kerain, quran me to Allah ne yeh bhi farmaya k Namaz Qaim kero lekin qaim kesay kerni hay yeh sahi ahadees batati hain na k quran me kahin bhi namaz qaim kerne ka tareeka hay

2nd soorah baqra me jo Allah ne farmaya hay ke woh is jadu wagaira se kisi ka kuch nuqsan nahi ker saktay siwa is k k Allah hi nuqsan ka hukum de, yeh ayat to app bilkul hi jhutla rahi hain..

Ap ne jo Soorah Nisah ki ayat quote ki hay "Kiya nahi dekha tum ne un logon ko jin ko diya gaya hay kuch hisa kitab-e-Ilahi me se k eeman rakhtay hain woh jadu tonay or shaitanee quwaton per" is se kahan wazaih ho raha hay ke jadu me asar nahi hai yeh ayat to yeh bata rahi hay ke in per eeman na rakho k jadu wadu se kuch nahi hota magar Allah k hukum or iraday se.