Barish ki bondon nay jab dastak di darwazay par,
Mehsos hoa k tum aaye ho Andaz tumharay jesa tha.
Hawa k halke jhonkay nay jab aahat ki khirki par,
Mehsos hoa tum Chalay ho Andaz tumharay jesa tha.
Menay bondon ko apnay hathon par tapkaya to,
Ik sard sa Ehsas hoa Lams tumharay jesa tha.
Main tanha chala jab barish mai ik jhonkay nay sath dia,
Main samjha Tum sath ho mere Ehsas tumharay jesa tha.
Phir Ruk Gae wo Barish Bhe, Rahi na baki aahat bhe,
Main samajh gaya Tum Chor Gaye, Andaz Tumharay Jesa Tha !!