Youn akailay main usay Ehd e Wafa yad aye,
Jaisay Banday ko museebat main Khuda yad aye,
Jaisay bhatkay howay Panchi ko Nashaiman apna,
Jaisay apno kay bicharnay pay Dua yad aye,
Jaisay dhalti howi Shamon ko Sawera koi,
Jaisay Pinjray main Parinday ko Fiza yad aye,
Jaisay Bhoorhay ko khayalat main Bachpan apna,
Jaisay Bachay ko Shararat pay Saza yad aye,
Jaisay Ujri howi Basti ko Zamana apna,
Jaisay Toofan kay thamnay pay Dia yad aye…