Hairan hoon kay yeh konsa Dastoor e Wafa hay,
Tu Misl e Rag e Ja’n hay to kion mujhse Juda hay,
Tu Ahl e Nazar to nahi tujh ko khabar hay kiya,
Pehlu main teray koi, Zamanay say khara hay,
Likha hay mera naam Samander pay Hawa nay,
Dono he ki Fitrat main Sakoon hay na Wafa hay,
Uthti hain jo Pehlu say meray Dard ki Lehrain,
Baitaab Samander koi Seenay main daba hay,
Aay Zeest kay Dozakh say guzartay howay Lamho,
Socha hay kabhi tum nay kay Jeena bhi Saza hay…