Duniya ne ham pe jab koi ilzam rakh diya
Duniya ne ham pe jab koi ilzam rakh diya
Ham ne muqabil us ke tera nam rakh diya
ik khas had pe aa gai jab teri Berukhi
Naam us ka ham ne Gardish-e-Ayyam rakh diya
Mein larkhara raha hun tujhe dekh-dekh kar
tune to mere samne ik jam rakh diya
kitna sitamzarif hai wo sahib-e-jamal
us ne Diya jala k lab-e-bam rakh diya
ab jis k ji mein aye wuhi paey " Roshnee "
ham ne to dil jala k sar-e-aam rakh diya
kiya maslihat shanas tha wo admi " Qateel "
majbooriyon ka jis ne wafa nam rakh diya