Teri mushkil na berhaoon ga chala jaoon ga
Ashk ankhon mein chupaoon ga chala jaoon ga

Apni dehleez pe kuch dair para rehnay de
Jaisay he hosh mein aoon ga chala jaoon ga

Mudaton baad main aya hoon puranay gher mein
Khud ko jee bhar k rulaoon ga chala jaoon ga

Un mehallaat se kuch b nahi lena mujh ko
Bass tumhen dekhnay aoon ga chala jaoon ga

Chandd yaden mujhe bachon ki terha pyari hain
Un ko seenay se lagaoon ga chala jaoon ga

khawab lene koi aye k na aye koi
main to sadaa lagaoon ga chala jaoon ga

__________________
Some thing about me but hardly can find
http://www.muzammilbashir.com/