Khul utha, mera hunar, naat e nabi likhi hay; کھل اٹھا میرا ہنر نعت نبی لکھی ہے

[.BZU.]

کھل اٹھا میرا ہنر نعت نبی لکھی ہے
لفظ ہیں جیسے گہر نعت نبی لکھی ہے

رشک سے دیکھا کئے لوگ عقیدت کو مری
ہے تو ادنی سا بشر ،نعت نبی لکھی ہے

ہاں مدثر بھی ،مزمل بھی مصدق بھی لکھا
چیرا لفظوں کا جگر نعت نبی لکھی ہے

ہو سلامی ترے مدحت کو بھگو کر آنکھیں
اس سیاہی سے اگر نعت نبی لکھی ہے

شا ہ لولاک سے نسبت کا تفخر یہ ملا
سوز کے زیر اثر نعت نبی لکھی ہے

چشم نمناک کو حسرت ہے مدینہ دیکھے
ہے اسی نم کا ثمر نعت نبی لکھی ہے

پھر بیاں کیسے کرے حسن محمد کو کوئی
رب نے قرآں میں سحر نعت نبی لکھی ہے،،،،،،،