Hammad > تمام عمر کٹے اک طویل سجدے میں

تمام عمر کٹے اک طویل سجدے میں
اس اختصار کی بخشش بھی کام تیرا ہے

بہت قریب ہے فطرت سے روح انسانی
ہر اک نظام سے بڑھ کر نظام تیرا ہے

وہ خود کو جان گيا جس نے تجھ کو پہچانا
وہ محترم ہے جسے احترام تیرا ہے

ہر ایک سانس سے آواز آ رہی ہے تری
مرا دھڑکتا ہوا دل پیام تیرا ہے

کہاں بیان مظفر کہاں بڑائی تری
جو تھا جو اب ہے جو ہو گا تمام ترا ہے

کو‏ئی موجود نہیں تیرے سوا
کوئی معبود نہیں تیرے سوا

کوئی مقصود نہیں تیرے سوا
کوئی موجود نہیں تیرے سوا

نقش کونین ہے قدرت تیری
اسی کثرت میں ہے وحدت تیری

تو دھڑکتا ہے ہر اک سینے میں
عکس تیرا ہے ہر اک آئينے میں

رنگ تیرے ہیں مہک تیری ہے
چاند سورج میں مہک تیری ہے

ابر تیرے ہیں ہوا بھی تیری
کس قدر چپ ہے نوا بھی تیری

شاعر ؛ مظفر وارثی

Great !!!!

Thanks !

Originally Posted by Waqas Ahmed

Great !!!!

Thanks !

Jazak Allah