BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

تمام عمر کٹے اک طویل سجدے میں
اس اختصار کی بخشش بھی کام تیرا ہے

بہت قریب ہے فطرت سے روح انسانی
ہر اک نظام سے بڑھ کر نظام تیرا ہے

وہ خود کو جان گيا جس نے تجھ کو پہچانا
وہ محترم ہے جسے احترام تیرا ہے

ہر ایک سانس سے آواز آ رہی ہے تری
مرا دھڑکتا ہوا دل پیام تیرا ہے

کہاں بیان مظفر کہاں بڑائی تری
جو تھا جو اب ہے جو ہو گا تمام ترا ہے

کو‏ئی موجود نہیں تیرے سوا
کوئی معبود نہیں تیرے سوا

کوئی مقصود نہیں تیرے سوا
کوئی موجود نہیں تیرے سوا

نقش کونین ہے قدرت تیری
اسی کثرت میں ہے وحدت تیری

تو دھڑکتا ہے ہر اک سینے میں
عکس تیرا ہے ہر اک آئينے میں

رنگ تیرے ہیں مہک تیری ہے
چاند سورج میں مہک تیری ہے

ابر تیرے ہیں ہوا بھی تیری
کس قدر چپ ہے نوا بھی تیری

شاعر ؛ مظفر وارثی