Jo milay Hayat e Khizr mujhay,
Aur usay main Sarf e Sana keroon,

Tera shukr phir bhi ada na ho,
Tera shukr kesay ada keroon,

Teray lutf ki koi hud nahi,
Ginoon kis tarah kay adad nahi,

Nahi koi teray siwa mera,
Jisay yad teray siwa keroon,

Main bohat he Ajiz o Benawa,
Teray agay meri bisaat kiya,

Main kaha keroon, Tu suna keray,
Tu dia keray main liya keroon,

Teray dar pay kham rahay sar mera,
Teri Rehmaton main ho guzar mera,

Koi bhool ho to mujhay maaf ker,
Mujhay Bux day jo khata keroon...

AAMEEN