yaad hai tum ko,,

kia kehti thi,,

Bhool gae na..

Chand mere, ai Jaan meri.!!

Bhool gae na Tum..

Chalte Chalte gir partai thai,,

Hanstai hanstai ro daitai thai..

Apni god me tum ko phir,, bhar laiti thi..

Bhool gae na Tum..!!

Jeevan tera mai ne sanwara,,

Apna sub kuchh tum pe wara..

Lekin tum se kuchh na manga,,

Bhool gae na Tum..!!

Her aahat per uthh jati thi,,

Rasta daikha karti thi,,

Jub tk tum na aatai thai..

Bhool gae na Tum..!!

Yeh Haath,, yeh aankhain or Dua..

Sub daan mai tum ko karti thi..

Aik chaand hai jis ko jaan meri,,

Bhool gae na Tum..!!

Na mujh se milnai aatai ho...

Na mujh ko paas bulaatai ho...

Mai her dum sochti rehti hun...

Bhool gae na Tum...!!!

Ab umer ka aakhir aakhir hai...

Jub yaad aaon to jaan meri...

Tum mujh se milnai aa jana,,

Mai tum se lipat k ro loon gi..

Sub dukhrai apnai kholon gi...

Masroof buhat ho tum shayad...

Dunya k hungamon me..

Aur shayad mujh se milnai ko...

Ab waqat na tum ko mil paae...

Meri jalti bhujti aankhon me...

Aik aas ki raakh si reh jaae...

Aik khawab ki chaap si reh jae..

Mai taktay taktay raah teri....

Muhn mor k teri dunya se...

Chup jawn gi koray lathhai me...

Phir mere baad tumhai koe...

sargoshii me batlaaee ga...,

Do aankhain....

zaraii khaak hoen...!!!

Jo tum ko daikha karti thin...

Wo hont bhi ab khamosh hoee...

Jo khair ko manga kartai thai..

wo haath bhi ab bejaan hoe...

Jo duaa ko uthha kartai thai...

Lo beet gae wo borhi Maan..

Tum jis ki umer ka Hasil thai...

Tum jis ka waqat sitara thai..

Tum jis ki aankh ka tara thai...

Wo khaak me mil kr khaak hoe...

Lo beet gae wo Borhi Maan..

Tum jis ki aankh ka tara thai...!!!

__________________