Kuch bhi tu nahi badla
Hai Chand bhi waisa hi
Taray bhi hain pehlay say
Sauraj bhi purana hai
Dil pehlay sa afsurda
Shammen sab hi bay ronaq
Bay-Noor ujjalay hain
Jug beetay kai Mausam
Bhoolay say kabhi HUM per
Aisa nahi utra jo
Karnon kay Andhairon ko
Sadyou ki Khizahon ko
Gulnar shagoofon bhari
Ek Rut main badal daita
Ummeed ki chadar kay
Konay ko pakar ker HUM
Phir Aas kay Aangan main
Khwahish ki chehkti howi
Chiryou ka takken rasta!!
Ya RAB......................
Naya Sauraj ho!!!
Jo kanton bhara Gulshan
Ker day sab hi Guldasta