Kabhi kitabon mein phool rakhna
Kabhi darakhton pe naam likhna
Hamein bhi hai yaad aaj tak woh
Nazar se harf-e-salaam likhna
Woh chaand chehare woh behki baatein
Sulagate din the mehekti raatein
Woh chhote-chhote se kagazon par
Mohabbaton ke payaam likhna
Gulaab chehron se dil lagana
Woh chupke chupke nazar milana
Woh aarazoon ke khwab bun'na
Woh kissaa-e-naatamaam likhna
Mere nagar ki hasin fazaao
Kahin jo unke nishaan paao
Toh poochna yeh kaha base wo
Kaha hai unka qayaam likhna
Ga_ii ruton mein (hassan) hamara
Bas ek hi toh yeh mashagala tha
Kisi ke chehare ko subah kehna
Kisi ki zulfon ko shaam likhna
Hasan Rizvi
__________________
ladkian kaanch ki chorion ki tarah hoti hai
qaim rahain to shaan badhati hain.
Or ager toot jaen to koi bhi unhen samait ker apne hath zakhmi nahi kerta
dedicated to all girls
www.momnagull.com