91 killed in Peshawar market blast: officials - BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

**.BZU.** · #2 30-10-2009, 01:57 AM

پشاور کی پیپل منڈی میں واقع مصروف مینا بازار میں بدھ کو ہونے والے طاقت ور بم دھماکے میں مرنے والوں کی تعداد 109ہو گئی ہے جن میں15بچے اور 27خواتین شامل ہیں۔ یہ تفصیلا ت لیڈی ریڈنگ ہسپتال میں چسپاں کی گئی فہرست میں دی گئی ہیں۔ اس حملے میں 184 سے زائد افراد زخمی ہوئے جن میں کئی کی حالت تشویش ناک بتائی گئی ہے۔

بارود سے بھری ایک گاڑی میں کیا جانے والایہ دھماکہ امریکی وزیر خارجہ ہلری کلنٹن کی اسلام آباد آمد کے چند گھنٹوں بعد ہوا اور پچھلے دو سالوں میں پاکستان میں ہونے والا یہ مہلک ترین بم دھماکہ ہے جس میں بہت بڑی تعداد میں شادی بیاہ کا سامان، کھلونے اور زیورات بیچنے والی دکانوں کو ملبے کے ڈھیر میں بدل دیا۔ اس بازار میں پشاور اور اس کے مضافات میں آباد متوسط اور غریب طبقات سے تعلق رکھنے والی خواتین خریداری کے لیے آتی ہیں۔
امریکہ وزیر خارجہ نے بدھ کو اسلام آباد میں اپنے پاکستانی ہم منصب کے ساتھ ایک نیوز کانفرنس میں اس واقعہ کی مذمت کرتے ہوئے اسے بزدل افراد کی کارروائی قرار دیا جو انتہاپسندی کو فروغ دینے کے لیے معصوم لوگوں کو ہلاک کررہے ہیں