موہالی ٹیسٹ: واٹسن کی سنچری - BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

**Gunjial** · #1 02-10-2010, 12:13 PM

موہالی ٹیسٹ: واٹسن کی سنچری

شین واٹسن نے کھیل کے آغاز میں ہی کیچ ڈراپ ہونے کے بعد ایک سو رنز بنائے اور ناٹ آؤٹ رہے

انڈیا اور آسٹریلیا کے درمیان موہالی میں ہونے والے پہلے کرکٹ ٹیسٹ میچ کے پہلے روز آسٹریلیا نے اپنی پہلی اننگز میں پانچ کھلاڑیوں کے نقصان پر 224 رنز بنائے ہیں۔
آسٹریلیا نے ٹاس جیت کر پہلے بیٹنگ کا فیصلہ کیا۔
پہلے روز انڈیا کی بولنگ تو بہتر رہی خصوصاً ظہیر خان نے نپی تلی بولنگ کی لیکن انڈیا کی فیلڈنگ بہت خراب نظر آئی۔ میچ کے آغاز میں ہی وریندر سہواگ نے شین واٹسن کا کیچ چھوڑ دیا اور بعد میں واٹسن نے سنچری بنائی اور آؤٹ نہیں ہوئے۔
کپتان مہندر سنگھ دھونی نے بھی دو آسان چانس ضائع کیے۔
ظہیر خان نے 43 رنز دہ کر تین کھلاڑیوں کو آؤٹ کیا۔
آسٹریلیا کی طرف سے دوسری بڑی اننگز کپتان رکی پونٹنگ کی تھی جو 71 رنز بنا کر رن آؤٹ ہوئے۔
آسٹریلیا کا کوئی اور سکور کھلاڑی بڑا سکور نہ کر سکا۔ آسٹریلیا کے پہلے آؤم ہونے والے کھلاڑی کیٹچ تھے جو چھ رنز بنا کر ظہیر خان کی گیند پر آؤٹ ہوئے۔ اس وقت آسٹریلیا کا سکور 13 تھا۔ اس کے بعد پونٹنگ اور واٹسن نے 141 رنز کی ایک عمدہ پارٹنرشپ بنائی اور سکور کو 154 تک لے گئے۔ اس سکور پر شین واٹسن کی کال پر پونٹنگ ایک رن بناتے ہوئے سریش رائنا کی ڈائریکٹ تھرو پر آؤٹ ہو گئے۔ ان کے آؤٹ ہونے کا فیصلہ تھرڈ ایمپائر نے کیا۔ اس موقع پر میدان میں ذرا گرما گرمی بھی دیکھنے میں آئی۔ جب پونٹنگ کے آؤٹ ہونے کے بعد ظہیر خان نے کچھ کہا تو وہ رکے اور کچھ کہا لیکن پھر پھر وہ پولین میں واپس لوٹ گئے۔
172 کے سکور پر کلارک آؤٹ ہوئے، انہوں نے 14 رنز بنائے۔ ان کے کیچ ہربھجن کی گیند پر ڈراوڈ نے لیا۔ مائیکل ہسی نے 17 رنز بنائے جبکہ ایم جے نارتھ صفر کے سکور پر آؤٹ ہوئے۔ ان دونوں کو ظہیر خان نے آؤٹ کیا۔