Terrorism
Dekho door ik laash pri hai,
Cho'rahay k daa'en janib,
Konay pr sunsaan gali k
Us k pas lahu me luthri,
Khaak aaluda bikhri bikhri,
Ghair ya apna,kon hai janay!
Aao dekhein aur pehchanein,
Naqsh mita dalay goli ne,
Rangat khoon me doob gai hai,
Jaib tatolo,kia rakha hai
Das das k 2 note rakhay hen,
Haath jo neechay dba hua hai,
Is ki sakht garift me kia hai?
Shayad hai school ka basta,
Jaib se ye kia jhaank rha hai,
Ik parcha hai,khat hai shayed,
Tooti phooti c urdu me,
Rang brangi pencilon k,
Sb rangon se likha hua hai,
"Aj jo bhooly basta mera,
Kutti ho jae gi tmse,
Taafi aur biscuit b lana,
Pyarey abu jaldi aana"...