hai duaa yaad magar harf-e-duaa yaad nhe
mere naGmaat ko andaaz-e-navaa yaad nhe
main ne palako.n se dar-e-yaar pe dastak dii hai
main vo saahil huu.N jise ko_ii sadaa yaad nhe
main ne jin ke liye raaho.n me.n bichhayaa thaa lahuu
ham se kahate hai.n vahii ahad-e-vafaa yaad nhe
kaise bhar aa_ii.n sar-e-shaam kisii kii aa.Nkhe.n
kaise tharraa_e charaaGo.n kii ziyaa yaad nhe
sirf dhu.ndhalaa_ii sitaaro.n kii chamak dekhii hai
kab huaa kaun huaa kis se Khafaa yaad nhe
zindagii jabr-e-musalasal kii tarah kaTatii hai
jaane kis jurm kii paa_ii hai sazaa yaad nnhe
aao ik sajdaa kare.n aalam-e-madhahoshii main
kahate hai.n ke "Sagar" ko Khudaa yaad nhe