BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan - View Single Post

**irfishahpk** · #1 27-02-2009, 01:22 PM

تمام لوگ اکیلے ، رہب ر ہی نہ تھا
بچھڑنے والوں میں اِک میرا ہمسفر ہے نہ تھا

برہنہ شاخوں کا جنگل گڑا تھا آنکھوں میں
وہ رات تھی کہ کہیں چاند کا گزر ہی نہ تھا

تمھا رے شہر کی ہر چھاؤں مہر باں تھی مگر
جہاں پہ دُھوپ کڑی تھی وہاں شجر ہی نہ تھا

سمیٹ لیتی شکستہ گلاب کی خوشبو
ہوا کے ہاتھ میں ایسا کوئی ہنر ہی نہ تھا

میں اتنے سانپوں کو رستے میں دیکھ آیا تھا
کہ تیرے شہر میں پہنچا تو کوئی ڈر ہی نہ تھا

بدن میں پھیل گیا سُرخ بیل کی مانند
وہ زخم سوکھتا کیا، جس کا چارہ گر ہی نہ تھا

ہوا کے لائے ہوئے بیج پھر ہوا کو گئے
کھلے تھے پھول کچھ ایسے کہ جن میں زر ہی نہ تھا

قدم تو ریت پہ ساحل نے بھی نہ رکھنے دیا
بدن کو جکڑے ہوئے صرف اِک بھنور ہی نہ تھا