Kal raat janay kia hua,
Kuch dair pehlay neend say
Kuch ashk milnay aa gaye
Kuch khawb bhi tootay huwe
Kuch log bhi bhoolay huwe
Kuch rasta bhatki huween
Kuch gard main liptee huween
Kuch bay-tarah phaihly huween
Kuch khoul main simti huween
Bay-rabt si soochein koi
Bhooli huwee batein koi
Ik shaks ki yadein koi
Phir dair tak jaga raha
Sochon main gum baitha raha
Ungli se thanday farsh per
Ik naam he likhta raha
Kal raat bhi woh raat thi
Kuch dair pehlay neend say
Main dair tak rota raha....