07-02-2009, 03:11 AM
|
 | Addicted to Computer | | Join Date: Sep 2007 Location: ------------ Age: 34
Posts: 1,309
Contact Number: --------------- Program / Discipline: BSIT Class Roll Number: 07-01 | |
 Kuch aise...
meri aankhon ko kuch accha na lage
kuch aise tum mujhse nazren milana
k din ka har pal har lamha suhana lage
kuch aise mere sath tum kuch waqt bitana
k hasi mere labon se utarna na chahe
kuch aise mere liye tum muskurana
k ho jaye mujhe khushiyon ki aadat
kuch aise meri zindagi se ghamon ko mitana
k mujhme bhi jage sapne sach karne ki ummeed
kuch aise tum mere liye khwab sajana
k main har raat ka intezaar karoon
kuch aise tum mujhe aasmaan ka wo tara dikhana
k tum dekhte raho mujhe har dam
kuch aise mujhe apne saamne bithana
k main naaraaz hona chahoon baar baar
kuch aise tum mujhe roothne par manana
k karti rahoon tujhe pyaar umra bhar
kuch aise shama-e-mohabbat ko jalana
k ho mera basera kahin aur namumkin
kuch aise kuch aise mujhe apne dil me basana
k banjao mere dil ki dhadkan
kuch aise tum mere dil me samana
k namanzoor ho mujhe kisi aur ka hona
kuch aise tum mujhe apna banana
k mujhe baarish ki boonde bhi adhoori lage
kuch aise mujh par tum pyaar barsana
k banjaye hum mohabbat ki misaal
kuch aise tum is rishtey ko nibhana
k zindagi ka aakhri pal bhi haseen lage
kuch aise mujhe tum gale se lagana
k maut bhi hame juda na kar paaye
kuch aise main teri ho jaoon...
kuch aise..tum mere ho jaana!!
 |