Ye Woh Daawat hai jo Hum Dunya ko paish karte hain aur ye woh daawat hai jo mei ne qabool kee. Sub Musalmaan, Khaas tor per meray rishtedaar azeez o aqaarib, ye video dekhain aur Allah ka wasta dekar poochta hoon ki bataye ki humari iss daawat se aap muttafiq hain ya inkaar karte hain? Aur agar aitraaz nahi tu Allah ka waasta dekar kehta hoon ki Aaj ke baad nabi ki sunnato aur hadeeso ka mazaak na urraayega aur Apna Aqeedah aur Amal Nabi ki sahi Ahadeeso ke mutaabik banaanay ki bharpoor koshish karain. Bhool jaye apne Maazi ko, Allah Ghafoor ur Raheem Aap ki maazi ki ghalatiyo ko muaaf karne wala hai.

Ye hargiz hargiz hargiz na sochain ki Kya Humare Aaba o Ajdaad ghalat thay?? Yaad rahe ki koi Musalmaan Shirk aur kufr kiiye baghair mar jaye aur aar usne zindagi mei sunnato per amal karne ki koshish kee lekin unko pata na chala, tu Allah paak se umeed hai ki Allah unke a'maal zaaya nahi karega. Aap unke liye dua karain aur Allah taala insaaf karne wala hai aur muaaf karne per qaadir hai. Allah ke liye koi mushkil nahi lekin jo shakhs shirk karta hai, kufr karta hai aur nabi ki sunnat ya sahi ahadees ka pata chal jaanay ke baad bhi apni islaah nahi karta tu uski pakarr zaroor hai zaroor hai zaroor hai.

Yaad rahe ki Nabi ki sunnat ya sahi ahadees ka inkaar kar dena bhi kufr mei he shumaar hota hai. Allah ke liye apne Nabi ke amal ka inkaar na karain.

__________________