12-01-2012, 07:40 AM
|
 | | | Join Date: Sep 2007 Location: near Govt College of Science Multan Pakistan
Posts: 9,693
Contact Number: Removed Program / Discipline: BSIT Class Roll Number: 07-15 | |
 Kuch Patay Ki Batain.
Phir wahi zindagi, wahi ronaq, moat k manazir, zindagi k zamzamay, muhabbat, nafrat har taraf kuch na kuch honay lagta hai. aik azeem pegham, muhabbat ka, bedaari ka hasool-e-muaash ka. chiyunti say lekar shaheen tak, sher say lomri tak, ameer say ghareeb tak sab masroof-e-amal hain. Koi ghar ko aa raha hai, koi ghar say ja raha hai, bulbulain naghma sara hain or khushbu'on say ye kainat muatar hoti hai. Ye sab fitrat k jalway hotay hain.
Aap fitrat ki rangeenion say fatir-e-mutlik k husn-e-takhleeq ko dekhain. malik ki mansha ko pehchanain. ankhon ko beenaai pohanchanay wala khud rangon main jalwa gar hai. Samaat denay wala khud naghma sara k raag main hai. parindon ki khali pait or khali jeb aashiyano say bahar lanay walay nay un ki khoorak ka intazam kar diya hai. Sheron ki khuraak ko zindagi day kar mehfooz kar diya.
Shaheen ki khuraak hawa main urti hai, gidh ki khuraak murdaar kar di gai. nigahon ko jalwon ki khuraak ataa ki gai, samaat ko naghmaat ki, dill ko ehsaas ki, khaliq nay fitrat main takhleeq k karishmay dikha diye. ghor karen kya nahi ho raha? Aap ki chand roza zindagi ko masroof-e-nazara karnay k liye nemat say mun'im ka khayal karo, fitrat say fatir ka, takhleeq say khaliq ka, zikar say mazkoor ka... apna khayal bhi aham hai.Lekin sab aham uska khayal hai jisnay tujhay Saahib-e-Khayal banaya.... |