Sumandar mein uturta hoon tu
aankhein bheeg jaati hain
Teri aankhon ko parhta hoon tu
aankhein bheeg jati hain
Tumhara naam likhney ki ijaazat chin gai jub se
Koi bhi lafz likhta hoon tu
aankhein bheeg jati hain
Naa jaaney ho gaya iss qadar hassaas mein kub se
Kissi se baat karta hoon tu
aankhein bheeg jati hai
Woh sub guzrey huey lumhaat mujhko yaad atey hain
Tumharey khut jo parhta hoon tu
aankhein bheeg jaati hain
Mein saara din buhut masroof rehta hoon magar joonhi !!
Qadam chaukhut pe rakhta hoon tu
aankhein bheeg jaati hain
Hazaaron mausumon ki hukmaraani hai merey dil pur
Wasi mein jub bhi hansta hoon tu
aankhein bheeg jaati hain