05-10-2011, 08:12 AM
|
 | | | Join Date: Sep 2007 Location: near Govt College of Science Multan Pakistan
Posts: 9,693
Contact Number: Removed Program / Discipline: BSIT Class Roll Number: 07-15 | |
 Mera kalaam usay kuch bura lagay ga zuroor
Mera kalaam usay kuch bura lagay ga zuroor
Meri kitaab zamana magar parhay ga zuroor
saza k khof se tum chahay chup raho lekin!
jo baat such hai, koi dil jala kahay ga zuroor
jo ehl-e-zarf hain shayad zabaan se kuch na kahain
jo dil pe chot lagay gi to dil dukhay ga zuroor!!
khud apnay ghar main koi ho k sehn-e-gulshan main..
jo habs ho ga faza main to dum ghutay ga zuroor!!
hawa chalay na chalay, ye amal muqaddar hai''''
chiraagh jo bhi jalay ga, kabhi bujhay ga zuroor
magar ye baat bhi apni jaga musallam hai!!
chiraagh jab bhi bujhay ga dhuaan utthay ga zuroor!
bujhay chiraagh hifazat se taaq main rakh do
k apnay waqt-e-mu'ayyan pe din dhalay ga zuroor
hamaray sheher ki roodaad chup nahi sakti
ye haal koi mu'arrikh kaheen likhay ga zuroor!
jo baat Haq hai kahay jaao mustaqil Nasir!
tumhari baat kabhi to koi sunay ga zuroor!!
|