Qudrat ka shahkar: Kitni nanhi si titli hay



قدرت کا شہکار

کتنی ننھی سی تتلی ہے
کیسی پھرتی سے اڑتی ہے
اس ڈالی سے اس ڈالی پر
کلیوں پھو لوں پر مرتی ہے
پھولوں کی دیوانی ہے یہ
اس لیے باغوں میں رہتی ہے
رنگ برنگے پر تو دیکھو
ان میں کتنی رنگینی ہے
قوس قزح کے رنگوں والی
نازک سی ننھی سی پری ہے
اڑنا ، تھرکنا کام ہے اس کا
سب پھولوں کا رس پیتی ہے
پکڑو گے کیا؟ ہاتھ نہ آئے
چنچل ہے ، ہشیار بڑی ہے
اس کے نقش و نگار کے صدقے
قدرت کا شہکار بنی ہے

امین حزیں