Channd nay
Abbar ki khirki say Jhanka
Tu Ghabra gaya
Aur Khirki kay Patt band ker kay
Ghannay badlon ko Aba ki tarah orh ker
Chupp gaya
Badlon main magar
Uss kay chehray ka sona Phighalta raha
Uss ki Ashkon ki Chandi chamakti rahi
Aur Falasteen ki Khaima-gahon main
Tehzeeb kay Passbanon kay Dallal
Manzar kay Dhabbay mittanay main
Insaniyat ko thikanay laganay main
Masroof thay