Chalo koi aisa Nagar basein
Jahan sub Log mil ker Muskuraein
Jahan mausam Khizan say Ajnabi ho
Charagon say Hawa ki Dosti ho
Sitam Shab Khoo na maray Hausalon per
Musalat ho Zamin khud Zalzalon per
Jahan Khushboo rawan ho zindagi main
Hawa khud say Khathak nachay Galli main
Mata-e-Shamm Ghum tehren Ujalay
Samadar Seepion ko khud Uchalay
Jahan Titli, Hamala per Makeen ho
K zarra, Mehr-o-ma ka Hum-Nasheen ho
Jahan uljhen na Aandhi say shararay
Na Khunda-Zun hon Jugnu per Sitaray
Jahan Zindan na Zangeeren na Maqtal
Sada roshan rahay sanoson ki Mishal
Jahan lehraein Cheron per Naqabein
Jahan tootein Zakhimon ki Tanabein
Jahan Heryaliyan jhulsen na Lahoo
Lahoo holi na khelay khud Lahoo say
Jahan Gulnar hon Chehray dehek ker
Kamal dar-e-Kuff na hon Dushman kay Lashkar
Jahan chehkein her ik soo Fakhtaein
Sabhi Rukhsar khud say tamtamaein
Fasurda Lab Taranay gungunaein
Jahan sab Log mil ker Muskuraein