Pehla Piyar Ho Tum
jeene ka aadhaar ho tum
jivan ka singhaar ho tum
tum mano na mano lekin
mera pehla pyaar ho tum
thha patjhad sa mera jivan
sukhe-sukhe mere saawan
raah teri hi dekh rahe thhe
bekal naina,vyakul ye man
phool khila de hriday mila de
barkha ki mast fuhaar ho tum
tum maano na maano lekin…….
Roop tumhaara atul anupam
Nischal nirmal bhola sa man
Man upwan ko surbhit kar do
Prem sudha ka karke sinchan
Jagat rachak ki anupam srishti
Devo ka uphaar ho tum
Tum maano na maano……..
Patthar puje mannat mangi
Kiye ratjage jane kitne
Pal- pal maine chhaha tujhko
Harpal dekhe tere sapne
Maine jisko har pal puja
Janmo ka intezaar ho tum
Tum maano na maano lekin…….
Malay shikhar sa surbhit chandan
Tum mehke phoolo ka aangan
Tere paawan prem par priyavar
Mera tan man jivan arpan
Parampita se arj yahi hai
Jeewan me har baar ho tum
Tum mano na mano………………