وقت سے کس کا کليجہ ہے کہ ٹکرا جائے
وقت انسان کے ہر غم کي دوا ہوتا ہے
زندگي نام ہے احساس کي تبديلي کا
صرف مر مر کے جيۓ جانےسے کيا ہوتا ہے
تو غم ِدل کي روايات ميں پابند نہ ہو
غم دل شعر و حکايت کے سوا کچھ بھي نہيں
يہ تري کم نظري ہے کہ تيري آنکھوں ميں
ايک مجبور شکايت کے سوا کچھ بھي نہيں
ارتقاء کي نئي منزل پہ مصور کي نگاہ
اپني تصوير کے انداز بدل جاتي ہے
زاويئے پاؤں کے ہر رقص ميں ہو تے ہيں جدا
ہر نئے ساز پہ آواز بدل جاتي ہے
يہ مرا جرم نہيں ہے کہ جرس کے ہمراہ
ميں نئي راہ گزاروں پہ نکل آيا ہوں
ميرے معيار نے اک اور صنم ڈھال ليا
ميں ذرا دور کے دھاروں پہ نکل آيا ہوں
پھر بھي تقدير کو اس کھيل ميں کيا لطف ملا
تيرے نز ديک جو ہم معنئ الزام بھي ہے
آج جس سے مرے آنگن ميں ديئے جلتے ہيں
تيري ہم شکل بھي ہے اور تيري ہم نام بھي ہے