Teri khushbu nahi milti, Tera lehja nahi milta
Hamey to shaher mei koi terey jesa nahi milta
Ye kesi dhund mein, ham tum safer aghaaz ker bethey
Tumhey aankhein nahi milti, hamey chehra nahi milta
Her ik tadbeer apni rai'gaa tehri mohabbat mein
Kisi bhi khuab ko tabeer ka rasta nahi milta
Bhala us k dukhon ki raat ka koi madava hai
Wo maa jis ko kabhi khoya hua bacha nahi milta
Zamaney ko qareeney sey wo apney saath rakhta hai
Mager merey liye us ko koi lamha nahi milta
Musaafat mei duaa-e-abr un ka saath deti hai
Jinhein sehra k daman mein koi dariya nahi milta
Jahan zulmat rago'n mei apney panjey gaar deti hai
Usi tareek rstey per diya jalta nahi milta....