Mujhe Darya Nahi Likhna Mujhe Sehra Nahi Likhna
Tasalsul Se Safar Mein Hoon Mujhe Thehra Nahi Likhna,
Purany Rabton Ki Raakh Ab Tak Dil Mein Baqi Hai
Meri Jalti Hatheli Par Neya Wada Nahi Likhna,
Anaa Se Jeet Kar Us Ko Agar Jo Main Ne Khoya Hai
Mera Noha Nahi Likhna Mera Naghma Nahi Likhna,
Bisat-E-Zindgi Ki Aakhri Sarhad Pe Khara Hoon
Mujhe Faateh Nahi Likhna Mujhe Haara Nahi Likhna,
Tumhri Aankh Mein Agar Main Kabhi Chup Chap Jall Joan
Tum Apni Aankhon Mein Lekin Mera Sadma Nahi Likhna,
Gawahi Apny Dil Se Lo Tumhara Dil Kya Kehta Hai
Mujhe Jhoota Nahi Likhna Mujhe Sacha Nahi Likhna,
Main Us Ki Yaad Mein Ghum Hoon Keh" Apny Aap Mein Ghum Hoon
Mujhe Mehfil Nahi Likhna Mujhe Tanha Nahi Likhna,
Main Apny Lafzon Se Shohrat Tumhain De Jaon Ga Ik Din
Mujhe Mash-hoor Nahi Likhna Mera Charcha Nahi Likhna
Ye Na Ho Tum Kabhi Us Ko Mitana Chaho Na Mitty
Mujhe Apna Samjh Lena Magar Apna Nahi Likhna,
Meri Aankhon Mein Batain Hain Magar Chehry Pe Gehri Chup
Meri Aankhain To Likh Dena Mera Chehra Nahi Likhna,
Kahin Aisa Na Ho Meri Kasak Us Dil Mein Reh Jay "ZAFAR"
Mera Dukh Dard Likh Dena Magar Gehra Nahi Likhna