Chandni" Jheel" Shabnam" Na Kanwal Mein Ho Ga
Ab Tera Aks Faqat Meri Ghazal Mein Ho Ga,
Aor Ik Saans Ko Jeeny Ki Tamana Kar Lein
Ik Lamha To Abhi Dast-e-Ajal Mein Ho Ga,
Raakh Maazi Ki Kureydo" Na Palat Kar Dekho
Aaj Ka Din Bhi Hua Gum To Wo Kal Mein Ho Ga,
Kiun Kisi Mor Pe Ruk Ruk K Sada Dein Us Ko
Wo To Masroof " Musafat K Amal Mein Ho Ga,
Us Ko Neeindo K Nagar Mein Na Basao MOHSIN
Warna Shamil Wohi Neendon K Khalal Mein Ho Ga !