Apni yadain apni batain,
Lay kar jaana bhool gaya
Janay wala jaldi main tha,
Mil kar jana bhool gaya
Murh murh kar deha tha us nay,
Jatay jatay rastay main,
Jasay us nay kehna tha kuch,
Jo woh kehna bhool gaya
Waqt e rukhsat meri aankhein,
Ponch raha tha aanchal say
Usko gham tha itna zyada,
Khud woh rona bhool gaya
Wakt kay behtay dhaaray main,
Kaysi ham nay ghaflat ki thi
Main bhi kehna bhool gaya tha,
Woh bhi rukhna bhool gaya