Baray mukhtsir se haroof main koi gehri baat suna gia
kisi khawb sa koi shakhs tha jo sehar se pehlay chala gia
Humain asman se gila nahin teri rehmaton pe yaqeen hay
jahan zindagi nay shikist di kisi mojazay nay bacha lia
Kisi mehraban ki duaon se ye safar naseeb huwa mujhay
jinhain rehbari ka gharoor tha unhain raston nay mita dia
Sada hansty rehnay ka hosala teri aarzoo nay ata kia
baray gehray zakhm thy waqt nay jinhain rafta rafta bhula dia
Teri dosti ki ye peshkash bari dilferaib lagi magar
woh jo atbar ka wasf tha kahin dil se door chala gia
Koi waqt tha ke ye naam bhi bara motabir tha jahan main
woh jo tery ishq ka dor tha humain ba kamal bana gia