Me Is Hisaar Se Nikloon Me is hisaar se nikloon to aur kuch sochoon
Tumhare pyaar se nikloon to aur kuch sochoon
Teri gali ke ilawa bhi aur karaye hain
Jo is dyaar se nikloon to aur kuch sochoon
Tumhare hijr ki sadiyan tumhare wasl ke din
Me is shumaar se nikloon to aur kuch sochoon
Racha hua hai tera ishq mere poron me
Me is khumaar se nikloon to aur kuch sochoon
Yeh mera jism ke matam saray hasrat hai
Me is mazar se nikloon to aur kuch sochoon
Yeh mujhme kaun mere raat din sambhalta hai
Is ikhtiyaar se nikloon to aur kuch sochoon
Tumhare jismki khushboo ne kerdiya mehsoor
Is aabshaar se nikloon to aur kuch sochoon
Yeh bekaraari mere rooh ka ujala hai
Me is karaar se nikloon to aur kuch sochoon
Tumhare pyaar se nikloon to aur kuch sochoon............. |