Dastoor
deep jis ka mehalaat hi meiN jaley
chand logoN ki khushiyoN ko ley kar chaley
woh jo sa'iy meiN har maslahat ke paley
aisey dastoor ko, subhe-be-noor ko
meiN nahiN maanta, meiN nahiN jaanta
meiN bhi kha'if nahiN takhta-e-daar sey
meiN bhi Mansoor hooN keh do alyaar sey
kyooN Darratey ho zindaaN ki deewar sey
zulm ki baat ko, dil ki raat ko
meiN nahiN manta, meiN nahiN janta
phool shakhooN pey khilney lagey, tum kaho
jaam rindoN ko milney lagey, tum kaho
chaak seenoN key silney lagey, tum kaho
is khulley jhooT ko, zehn ki looT ko
meiN nahiN manta, meiN nahiN janta
tum ney looTa hey sadiyooN humara sakoon
ab na hum per chaley ga tumhara qasoom
chaaragar dard-mandoN key bantey ho kyooN
tum nahiN chaaragar koi maney, magar...
meiN nahiN manta, meiN nahiN janta