MOHABBAT KHUSH GUMAN HAI...
tumhari angishtri k nag mein
meri mohabbat chamak rahi hai
agar kabhi ye guman b guzray
k main tumhe bhoolnay laga hun
tu is nageenay ko dekh lena
meri nigahon ki jagmagahat
tumhari aankhon se ye kahay ge..
SUNO MOBAHHAT TO KHUSH GUMAN HAI...
agar koi bugaz dil ka mara
nazar se toota hua sitara
tumahare seenay mein waswason k
kaseelay khanjay utarta ho.....
k woh jo dil pheenk o bewafa hai
k woh sab par fareefta hai
k woh jo pardais ja basa hai
tumhein bhanwar beech chor de ga
wafa k sab qool tor de ga
tou is se pehle k roo paro tum
tou is se pehle k jal bhujo tum
tou is se pehle k ye kaho tum
woh ehad o peeman sab ghalat thay
wafa k unwaan sab ghalat thay
sehar k imkaan sab ghalat thay
tum apni inghist e dilruba par
gulab chehra jhuka k kehna
SUNO WOH SACH MuCH HE BEWAFA HAI?
tumhara rota sawal sun kar
ye shookh nag muskura paray ga
mohabbaton k safeer ban k
ye surkh nag or haseen anghoothi
meri numaindagi karein gay
tumhare chehray se chair kartay
tumhari aankhon k rang parhtay
tumhare baalon k rang parhtay
tumhare gaalon ko thapthapa k
haseen anghistri kahay gi
"SUNO MOHABBAT TO KHUSH GUMAN HAI..."