Bohat muddat say aysa hay
kay woh khamosh rehta hay
Koi gehra hay gham shayad
Jisay chup chap sehta hay
Yunhi chaltay huay tanha
Koi ghamgeen sa naghma
Woh aksar gungunata hay
Doran e guftugu yuon hi
Milein nazron say jab nazrain
To batain bhool jata hay
Kisi gum sum si halat main
yah phir barish kay mosam main
Fakat itna hi kehta hay
Udasi be-waja si hay
Bohat bojhal tabiyat hay
Bhala sach kyon nahi kehta
Kay
Usay mujh say muhabbat hay