Bohat muddat say aysa hay
Kay woh khamosh rehta hay
Koi gehra hay gham shayad
Jisay chup chap sehta hay
Yunhi chaltay huay tanha
Koi ghamgeen sa naghma
Woh aksar gungunata hay
Doran e guftagu yunhi
Milen nazron say jab nazrain
To baten bhol jata hay
Kisi gum sum si halat main
Ya phir barish kay mausam main
Fakat itna hi kehta hay
Udasi bay waja si hay
Bohat bojhal tabiyat hay
Bhala sach kyon nahi kehta
Usay mujh say Muhabbat hay
****************************